ව්‍යවස්ථාදායකයන් පත්වූවාට ඇමැතිවරුන් විධායකයේ දිගුවක් හෙයින් ඔවුනට පාර්ලිමේන්තුවේ වැඩි ඉඩකඩක් ලබාදීම වැරදි යැයි පත්කළ මන්ත්‍රි මහාචාර්ය චරිත හේරත් පාර්ලිමේන්තුවේදී අද (23) පැවසීය.
කැබිනට් මණ්ඩලයට පාර්ලිමේන්තුවේ තිබිය යුත්තේ නියෝජිත වරප්‍රසාදයක් පමණක් බවත් බොහෝ අයට පාර්ලිමේන්තුව විහිළුවක් වී ඇත්තේ මෙවැනි කාරණා හේතුවෙන් බවත් හෙතෙම සඳහන් කළේය.
මහාචාර්ය චරිත හේරත් මෙසේ පැවසූවේ ජනාධිපති කාර්යාලය සහ අගමැති කාර්යාලය ඇතුළු ආයතන 25 ක වැය ශීර්ෂ පිළිබඳ අයවැය කාරක සභා අවස්ථාවේ විවාදයේදීය.
