අනන්තවත් අනුන්ගෙ කුණු හොයන මිනිස්සු අතරේ අනුන්ගේ කුණු හෝදලා, පිරිසිදු කරන ආදරණීය මිනිස්සු ඉන්න ලොන්ඩරි වත්තටයි අපේ අද ගමනාන්තය.
කොළඹ ආමර් වීදියට ආසන්නව 1930 දශකයේ ඇරඹි, පරම්පරාවෙන් පරාවට වෘත්තීමය රෙදිසෝදනන් ලෙස තම ජීවිකාව කරගෙන යන ලොන්ඩරි වත්තේ සිංහල සහ දමිළ පවුල් 200ක පමණ පිරිසක් මෙම වෘත්තීයේ නිතර වන අතර, පැරඩයිස් වත්ත නමින්ද මෙම ස්ථානය හඳුන්වනු ලබනවා.
එකල ඉංග්‍රීසි හමුදා නිලධාරීන්ගේත්, කොළඹ ඉහළ පැලැන්තියේ පවුල් වලත් රෙදි සේදීම සඳහා වෙන්ව තිබූ ලොන්ඩරි වත්ත අද වන විට කොළඹ සහ අවට තදාසන්න ප්‍රදේශ වල හෝටල් සහ විවිධ සමාගම් වලට අයත් රෙදි සේදීම සිදු කරනු ලබනවා.
කාලයාගේ ඇවෑමෙන් සහ තාක්ෂණයේ දියුණුයවත් හේතු කොට ගෙන අද වන විට අභාවයට යමින් පවතින මෙම ලොන්ඩරි කර්මාන්තය සිව් වන පරම්පාරව විසින් ඉදිරියට පවත්වාගෙන යාම අවිනිශ්චිත භාවයකයි පවතින්නේ.
ආර්ථිකයේ විචල්‍යතාවයත් ලබන ආදායමෙන් මිළදී ගැනීමේ හැකියාව අඩුවීමත් නිසා අද වන විට දැඩි දුෂ්කරතා හමුවේ තම ජීවිකාව අහිමි වීමේ අවධානමකට ලක්ව සිටින තමන්ට දෙවියන්ගේ හෝ බැල්ම ලැබෙන තුරු රාජේෂ් වැනි ලොන්ඩරි වත්තේ සිය ගණන්ක් වූ මිනිස්සුන් බලාපොරොත්තු සහිත දෑසීන් අනාගතය දෙස බලා සිටිනවා.
