ජපන් යන ගමන් සිංගප්පූරුවේ දී අර්ජුන මහේන්ද්‍රන් එක්ක තමා දවල් කෑම කෑවා යැයි කියන කතාව අමූලික බොරුවක් යැයිද එදින තමා දවල්ට කෑවේ සිංගප්පූරු එයාර්ලයින් එකෙන් යැයිද ජනාධිපති රනිල් වික්‍රමසිංහ පාර්ලිමේන්තුවේදී පැවසීය.
අවශ්‍ය නම් එදා තමා කෑ “මෙනු එක” ඉදිරිපත් කිරීමට හැකි බව ද ජනාධිපතිවරයා කීය.
ජනාධිපති රනිල් වික්‍රමසිංහ මේ බව පැවසූයේ සමගි ජනබලවේගයේ කොළඹ දිස්ත්‍රික් මන්ත්‍රී එස්.එම් මරික්කාර් පාර්ලිමේන්තුවේ දී කළ ප්‍රකාශයකට පිළිතුරු දෙමිනි.
එස්.එම් මරික්කාර් පාර්ලිමේන්තුවේ දී අදාළ ප්‍රකාශය කිරීමත් සමග ජනාධිපති නිල කාමරයේ සිට සභා ගැබට පැමිණි රනිල් වික්‍රමසිංහ ඉහත ප්‍රකාශය කළේය.
