ශ්‍රී ලංකා පොදුජන පෙරමුණ වැට්ටවීමට ඇතැමුන් උත්සාහ කළත් එම පක්ෂය යනු අළු මතින් නැඟී සිටීමට හැකි පක්ෂයක් බව හිටපු අමාත්‍ය ජොන්ස්ටන් ප්‍රනාන්දු පවසයි.
ඒ ශක්තිය තම පක්ෂයට ඇත්තේ මහින්ද රාජපක්ෂ නිසා බව පැවසූ හිටපු අමාත්‍යවරයා තමන් කිසිදා පක්ෂය දමා පැන නොයන බවත් අවධාරණය කළේය.
පසුගිය සමය තුළ මහින්ද රාජපක්ෂට එරෙහිව කුමන්ත්‍රණ ගණනාවක්ම සිදුකෙරුණු බව සිහිපත් කළ ජොන්ස්ටන් ප්‍රනාන්දු අග්‍රාමාත්‍ය තනතුරින් ඉල්ලා අස්වන ලෙස ඒ මහතාට පැවසුණු අවස්ථාවේ පවා එසේ වුවහොත් ගෝඨාභය රාජපක්ෂට ජනාධිපති තනතුරත් අහිමිවන බව තමන් පෙන්වා දුන් බවත් සිහිපත් කළේය.
ශ්‍රී ලංකා පොදුජන පෙරමුණ නැවත නැඟී සිටීම කිසිවෙකුට වැළැක්විය නොහැකි බව පැවසූ අමාත්‍යවරයා මන්ත්‍රීවරුන් එකාපිට එකා මරා දැමුවත් තමන් ප්‍රජාතන්ත්‍රවාදය වෙනුවෙන් සටන් කරන බවයි සඳහන් කළේ.
