කිසිදු අවස්ථාවක තනතුරුවලට තාන්න මාන්නවලට කිසිදු ප්‍රතිපත්තියක් පාවා නොදෙන බවත් සක්විති රජකම ලබා දෙනවා කිව්වත් කිසිදු අවස්ථාවක රාජපක්ෂලා සමග එක්ව රටවත්, ලක්ෂ 220ක ජනතාවවත් පක්ෂයවත් කිසිදු අවස්ථාවක පාවා නොදෙන බව විපක්ෂ නායක සජිත් ප්‍රේමදාස පවසයි.
මීට වසර ගණනාවක් පෙර අප්‍රිකාවේ රුවන්ඩාවේ ඇති වූ දැවැන්ත ගෝත්‍රික සටනක් නිසා මිලියනයකට ආසන්න ජීවිත නැති වුණත් අද රුවන්ඩාව අප්‍රිකාවේ නව සිංගප්පූරුව ලෙස හඳුන්වන බවත් එය මෙරට යුද්ධයෙන් නැති වූ ජීවිතවලට වඩා අති විශාල බවත් ඔවුන් සංවර්ධනයෙන් ඉහළටම දිනෙන් දින ගියත් අපේ රට යුද්ධය අවසන් වී වසර 12කට ආසන්න කාලයක් ගත වුණත් තවමන් ජාතිවාදය ආගම්වාදය ආදිය මූලික කර ගෙන රට විනාශ කිරීමේ වැඩපිළිවෙළක් කරා රාජපක්ෂ පවුල ගෙන ගිය බවත් එසේ බංකොලොත් කළ රාජපක්ෂ පවුලේ නාමල් කුමාරයා රට හදන කමිටුවක නායකයෙක් ලෙස පත් කර ඇති බවත් විපක්ෂ නායක සජිත් ප්‍රේමදාස පැවසීය.
විපක්ෂ නායක සජිත් ප්‍රේමදාස මේ බව පැවසුවේ පසුගියදා පැවති සමගි ජන බලවේගයේ දෙහිඅත්තකණ්ඩිය ආසන බලමණ්ඩල රැස්වීම අමතමිනි.
