සුරැකුම්පත් සහ විනිමය කොමිසන් සභාවේ හිටපු සභාපතිවරයෙකු ලෙසත්,ගනකාධීකරන උපාධි දෙකක් හා ආර්ථික විද්‍යාව පිළිබඳ ද ආචාර්ය උපාධියක් හිමි අයෙක් ලෙසත්, නීත්‍යානු කූල නොවන ආකාරයේ මුදල් තැන්පත් කිරීම් කිසිදු අවස්ථාවක සිදු නොකරන බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ආචාර්ය නාලක ගොඩහේවා පවසයි.
ඔහු මේ බව කියා සිටියේ රුපියල් කෝටි ගණනක මුදල් වංචා කිරීම සම්බන්ධයෙන් රක්ෂිත බන්ධනාගාරගත කර සිටින තිලිනි ප්‍රියමාලි නම් කාන්තාව සමඟ ගණුදෙනු කළ බවට සමාජ මාධ්‍යයේ සංසරණය වන ලැයිස්තුවක තමන්ගේ නම ද ඇතුලත්වීම ගැන අද අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කිරීමෙන් අනතුරුව මාධ්‍ය වෙත අදහස් දක්වමිනි.
