2023 වසර සඳහා ඉදිරිපත් කර ඇත්තේ මානුෂික අයවැයක් නොවන බව විපක්ෂ නායක සජිත් ප්‍රේමදාස පවසයි.
“කියන්නේ එකක් – කරන්නේ එකක්. අපි දකින්නෑ මේ අයවැය මානුෂික එකක් හැටියට. හොඳට මතක තියාගන්න ඕනෙ මේ තියෙන්නේ අළු යට ගිනි. කොයි වෙලාවක හරි මේක පිපිරෙනවා. මේක පිපිරෙනකොට සිදුවන්නේ මහා ඛේදවාචකයක්. මේ අයවැය මායම්කාරී අයවැයක්. මේ රට නොමග යවන, රට අන්දවන අයවැයක්”
ප්‍රශ්නය – ඔබතුමන්ලා තීන්දුවක් ගත්තාද අයවැය පරද්දන්න ?
“ඒ පිළිබඳව අපි ඉදිරි දින කිහිපය තුළ සාකච්ඡා කරලා රට වෙනුවෙන් ගතයුතු හොඳම තීන්දුවට අපි ප්‍රවේශ වෙනවා”
විපක්ෂ නායකවරයා මේ බව පැවසුවේ ඊයේ (14) පාර්ලිමේන්තු රැස්වීමෙන් අනතුරුව මාධ්‍ය වෙත අදහස් දක්වමිනි.
