එක්සත් ජාතීන්ගේ මානව හිමිකම් කොමිසම තුළ ශ්‍රී ලංකාව සම්බන්ධයෙන් බලපාන පරිදි බරපතළ කරුණු ගණනාවක් ඉදිරිපත්ව තිබෙනවා. ශ්‍රී ලංකා නිදහස් පක්ෂය ලෙස අපි කනගාටු වෙනවා. මම ජනාධිපතිවරයා ලෙස කටයුතු කළ සමයේත් එවැනි යෝජනා ඉදිරිපත් වුණා. නමුත් ජාත්‍යන්තර සම්බන්ධතා පවත්වා ගනිමින් ඒවා කළමනාකරණය කරගන්නට මට පුළුවන් වුණා. නවනීදන් පිල්ලේ මහත්මිය ලංකාවට ආ වෙලාවේ අපේ නියෝජ්‍ය ඇමැතිවරයෙක් එතුමිය විවාහ කර ගන්න තිබ්බනම් හොඳයි කිව්වා. අමෙරිකානු තානාපති කාර්යාලය ඉදිරිපිට උපවාසය කළ ඇමැතිවරයකුට හිටපු ජනාධිපතිවරයා තැඹිලි පෙව්වා. නමුත් මගේ පාලන සමයේදී ලෝකය සමඟ පවත්වාගෙන ගිය සුහදතාවය, සම්බන්ධතා නිසා අපට ජයග්‍රහණ ලබා ගන්නට පුළුවන් වුණා.
