වැල් පාලමෙන් එගොඩ වුණ රාජපක්ෂ කුමාරවරු තරුණ පරපුර මර්දනය කිරීමට කටයුතු කරන බව විපක්ෂ නායක සජිත් ප්‍රේමදාස පැවසීය.
වත්මන් රජය මන්දිරවලට වී තරුණ පරපුර මර්දනය කිරීම සඳහා සැලසුම් සකස් කළත් සමගි ජන බලවේග රජයක් යටතේ එකී මන්දිර රට ගොඩනගන තාරුණ්‍යයට ශක්තියක් ලබා දෙන මධ්‍යස්ථාන 2ක් බවට පත් කරන බවද විපක්ෂ නායකවරයා කීවේය.
රාජපක්ෂ කුමාරවරුන්ගේ කීමට අරගලයේ නිරත තරුණ පරපුර මර්දනයට රාජ්‍ය හිංසනය ක්‍රියාත්මක කරනවා වෙනුවට පරිගණක විප්ලවයක් ඉංග්‍රීසි සාක්ෂරතාව, නව තාක්ෂණය ඉහළින් අවබෝධ කරවීම හරහා රටේ තරුණ පරපුර දැනුමින් තාක්ෂණයෙන් සවිබල ගැන්වීම සිදු කළ යුතු බවත් ගම්පොල ආසන බල මණ්ඩල ගස්වීම අමතමින් ඔහු මේ බව පැවසීය.
ආරක්ෂක අංශ භාවිත කර තරුණයන් මර්දනය කිරීම රජය, රාජ්‍ය ත්‍රස්තවාදය ක්‍රියාත්මක කරනවා වෙනුවට මිත්‍රත්වයේ දෑත දිගු කර තරුණ පරපුර සවිබල ගැන්වීම සමගි ජන බලවේගයේ ප්‍රතිපත්තිය බවත් විපක්ෂ නායකවරයා සඳහන් කළේය.
විවිධ ඇස්බැන්දුම් ක්‍රියා සිදු නොකර ඔලුගොඩි මාරු නොකර සංගීත පුටු තරග නොතියා රටේ ජනතාව ඉල්ලා සිටින නව රජයක් බිහි කිරිමට අවශ්‍ය මැතිවරණයක් පවත්වන ලෙස රජයෙන් ඉල්ලා සිටින බවත් ඔහු තවදුරටත් කීවේය
