පිවිතුරු හෙළ උරුමයේ නායක නීතිඥ උදය ගම්මන්පිල
මේ දවස්වල ආණ්ඩුව කරවන අයත් රට පුරාම කරගෙන යනවා රැස්වීම් මාලාවක්. ඒ වේදිකාවේ ඇහෙනවද මේ අර්බුදවලට උත්තර. ඒ වේදිකාවේ කතා වෙනවද මේ අර්බුදය අවසන් වන කාල වකවානුව. උත්තරේ දන්නෙත් නැහැ. අර්බුදය අවසන් වන කාලවකවානුව කියන්නෙත් නැහැ. කියන්නේ නැහැ නෙමෙයි කියන්න බැහැ. මොකද අර එළුවගේ මොකක්‍ෙදා් එක වැටෙනකම් නරියා එළුවා පස්සෙන් ගියා වගේ ආණ්ඩුව මෙච්චර කල් බලාගෙන හිටියේ අයි.එම්.එෆ්. එකෙන් සල්ලි ලැබෙනකම්. දැන් මොකද වෙලා තියෙන්නෙ. අයි.එම්.එෆ්. එකෙන් කියනවා අපේ අරමුදල් දෙන්න කලින් අපි ණයක් දෙන්නං ණය දෙන්න කලින් මීට කලින් ගත්ත ණය කන්දරාව කොහොමද ගෙවන්නේ කියලා ණය හිමියන් එක්ක සාකච්ඡා කරලා එකඟතාවයක් හදා ගනිල්ලා කියලා.
අද මේ ණය ලබාගැනීම මේ අර්බුදයට උත්තරේ නෙමෙයි. අර්බුදයට හේතුව ණය ලබා ගැනීම නම් තව තවත් ණය ගැනීම කොහොමද අර්බුදයට උත්තරයක් වෙන්නේ. මේක හරියට සීනි වැඩියෙන් කාලා දියවැඩියාව හැදිච්ච ලෙඩකුට බෙහෙත විදිහටත් වැඩි වැඩියෙන් සීනි කාපන් කිව්වා වගේ වැඩක්.
ඇමරිකාව දුරස්ථ පාලක හරහා ශ්‍රී ලංකාව පාලනය කිරීමේ යුගය අවසන් වුණේ පහුගිය සිකුරාදා. අවලස්සන ඇමරිකානුවෙක් පාර්ලිමේන්තු මන්ත්‍රිවරුන් රූකඩ නැටවූ යුගය අවසන් වුණේ පහුගිය සිකුරාදා. ඒ නිසා නූතන ශ්‍රී ලංකාවේ නිදහස් අරගලය පසුගිය සිකුරාදා අපි ජයග්‍රහණයෙන් කෙලවර කළා කියන එක අපි ආඩම්බරයෙන් ප්‍රකාශ කරනවා.
