අයවැය දෙවැනිවර කියැවීමේ විවාදයේ අවසන් කතාව කළේ විදේශ කටයුතු ඇමති අලි සබ්රි සිය කතාව නිමා කළේ මංගල සමරවීර ගැන විපක්ෂය නොකියන කතාවක් කියමිනි.
තමන් විටෙක එකඟ නොවුනත් ඔහු කී කතා මොනතරම් ප්‍රායෝගික වී දැයි දක්වමින් අලි සබ්රි කී කතාව මෙසේය.
”මංගල සමරවීර මැතිතුමා අවස්ථා කීපයකදී කළ විවිධ ප්‍රකාශවලට සමහර විට අපි හිනා වුනා. එකඟ වුනේ නෑ. සමහර දේවල් අපි පිලිගත්තා. ”
”එක දෙයක් එක්ක අපි දිගටම එතුමත් එක්ක එකඟවුනා. එතුමා කිව්වා මේ රටේ සිංහල දරුවටයි, මුස්ලිම් දරුවටයි, දෙමළ දරුවටයි මේ මගේ රට කියලා ඔහුගේ හිතට දැනෙන තුරු අපට සැබෑ සංහිඳියාවක් හොයා ගන්නට බෑ. සැබෑ සංහිඳියාවක් නැතිතාක් රට දියුණු කරන්න බෑ කියන එක. අපි ඒකට එකඟ වුනා.”
” එතුමා ඒ කාලේ ඉන්ධන මිල සූත්‍රයක් ගෙනාව. අපි ඒකට හිනා වුනා. නමුත් අපිට සිද්ධ වෙලා තියනවා ඒක අයෙ ගේන්න.”
” ඒ හා සමානවම බදු ප්‍රතිපත්තිය වෙනස් කරනකොට එතුමා ට්විටර් එකකින් කිව්වා මේ බදු ප්‍රතිපත්තිය ඉතාම භායානකයි. ඉදිරියේදී ලංකාව වෙනිසියුලාව වගේ වෙන්න ඉඩ තියනවා කියලා. ඒකත් යම් ප්‍රමාණයකට සත්‍ය වෙලා තියනවා.”
“හැබැයි තව එක දෙයක් කිව්වා ( විපක්ෂය දෙසට බලමින්) මේ ගොල්ලො කියන්නෙ නැති. මංගල මෙහෙම කිව්වා. 2020 වර්ෂයේ ඡන්දයෙන් පස්සෙ එක්සත් ජාතික පක්ෂය සම්පූර්ණයෙන්ම අයින්වෙලා ගියා. දැනට ඉන්න ජනාධිපති තුමා පැරදුනා. හැමෝම හිතුවා එතුමාගෙ දේශපාලන ජීවිතය ඉවරයි කියලා. “
”එතුමගෙන් ඇහුවා රනිල් වික්‍රමසිංහ මහත්තයා ගැන මොකක්ද කියන්න තියෙන්නෙ කියලා. මංගල නොකියා කිව්වා “ලංකාවෙ මිනිස්සු දැනගනී කවද හරි ලංකාවෙ සිටිය යුතුව තිබූ ජනාධිපති කෙනෙක් කවදාවත් ජනාධිපති නොවුණු“ කියලා.
නමුත් දෛවයේ හාස්කමකින් හෝ කවදාවත් ජනාධිපති නොවෙයි කියලා හිතපු ඒ ජනාධිපති තුමා අද ජනාධිපති වෙලා තියනවා. මතක තියාගන්න ඒ වෙලා තියෙන්නේ එතුමාට මේ අවස්ථාවේ ඒ අභියෝගය භාරගන්න හැකි හින්දා. ඒ අභියෝගය තුළ මේ රටේ හැරවුම් ලක්ෂය තීරණය වෙනවා.”
